Måndag hadde 8. og 9. klassingane på Røldal skule vitjing av politiførstebetjent Njål Hope, som fortalde om korleis det er å arbeide i politiet.
Dette er ein del av yrkesorienteringa til elevane, der dei gjennom faget utdanningsval får møte folk i mange ulike yrke.
Hope kunne utan tvil anbefale yrket sitt til elevane.
- Eg har aldri angra på at eg blei politi. Du får ikkje ein keisam dag på
jobben, understreka han. Særleg peika politiførstebetjenten på moglegheiter
for utvikling og vidareutdanning.
- Kva er det mest spanande du har gjort på jobben? spurte ein av elevane.
Hope valde ut ein episode då han med hjelp av politihund var med på å redde
ein gut som hadde gått seg vill på fjellet.
Til dei av ungdomane som kanskje kan tenkte seg å bli politi hadde Hope to
oppfordringar: Dei må gjere det bra på skulen og oppføre seg fint så dei
ikkje får noko på rullebladet. Han understreka og at politiyrket i
høgaste grad er for begge kjønn. 40 prosent av studentane på politihøgskulen
er no kvinner.
- Du treng ikkje vere stor og sterk, korleis vi uttrykkjer oss er den beste
reiskapen vi har, sa Hope.
Han fortalde at politiutdanninga er lagt opp med eit år på skule, med mellom anna rettslære, rapportskriving, etikk og psykologi. Så er det eit år i praksis, før ein fullfører utdanninga.
Viss nokon av elevane ender opp som politifolk, håper Hope at dei kjem attende
til Hardanger.
- Når du jobbar på ein sånn plass som Hardanger, får du heile spekteret,
forklarte han, og viste til dei varierte arbeidsoppgåvene.
- Vi skulle gjerne hatt meir midlar, men jobben blir du aldri lei av, avslutta
Hope.
Disse sauene overlevde vinteren
Auka ventetid ved Vallaviktunnelen
Disse sauene overlevde vinteren
Auka ventetid ved Vallaviktunnelen
