I Eidfjord kommunestyre vart det førre veke samrøystes vedteke å løyve 20 millionar kroner til opprusting av området rundt Vøringsfossen.
Totalt er satsinga på attraksjonen 150 millionar.
Som HF tidligare har rapportert, er ei storstilt satsing på fossar i Hardanger under oppsegling. Etter planen skal det satsast 240 millionar kroner på Vøringsfossen, Låtefoss og Steindalsfossen.
Av disse pengane, skal kommunane Eidfjord, Odda og Kvam tilsaman finansiere 32 millionar kroner.
Hardangerrådet har sett av åtte millionar kroner. Forventninga frå kommunane er at Fylkeskommunen finansierar 40 millionar kroner, pengar som kjem frå konsesjonskraftinntektene Hordaland disponerer. Resten vert finansiert av staten gjennom Nasjonal Turistveg-prosjektet.
Det endelige vedtaket frå Eidfjord kommunestyre seier at:
«Eidfjord kommune forpliktar seg til å løyva 20 millionar kroner til Vøringsfossen i perioden 2012-2015, under forutsetning av fullfinansiering frå stat og fylke».
Sykkelskytemeisterskap i Simadalen i Eidfjord 12. mai
Sykkelskytemeisterskap i Simadalen i Eidfjord 12. mai
